شووڕای هاوئاهەنگیی دامەزراوە سێنفییەکانی فەرهەنگییانی ئێران خوازیاری ئازادکردنی بێمەرجی مامۆستا دەسبەسەرکراوەکان بوو.
شووڕای هاوئاهەنگیی دامەزراوە سێنفییەکانی فەرهەنگییانی ئێران، داوا لە حکوومەتی ئێران دەکات کە دەسبەسەرکردنی مامۆستایان ڕابگرێت.
ئەم شووڕایە ڕایگەیاندووە: چالاکانی سێنفیی فەرهەنگی، هێشتا لە زینداندان، دەسبەسەرکردنیان ڕابگرن.
شووڕای هاوئاهەنگیی دامەزراوە سێنفییەکانی فەرهەنگییانی ئێران، خوازیاری ئازادیی محەممەد حەبیبی، مەحموود بهشتی، ئیسماعیل عەبدی، ئومید شامحەممەدی و محەممەدڕەزا ڕەمەزانزادە بوو.
لە ڕۆژانی ٢٢ و ٢٣ی خەزەڵوەردا، یەک مانگ پاش مانگرتنی مانگی ڕەزبەر، فەرهەنگییەکانی کوردستان و ئێران بەپێی بانگهێشتی شووڕای هاوئاهانگیی دامەزراوە سێنفییەکانی فەرهەنگییانی ئێران لە ناڕەزایەتی لە هەمبەر جێبەجێ نەکردنی داخوازییەکانیان مانیان گرت.
پاش مانگرتنی سەرتاسەریی مامۆستاکان، بەشێک لە فەرهەنگییەکانی کوردستان و ئێران، لە لایەن ناوەندە ئیتلاعاتییەکانەوە بانگهێشت و دەسبەسەر کران.
