کوردستان میدیا: لایەنگرانی پاک و خاوێنیی ژینگە لە شاری مەهاباد لە هەڵمەتێکدا دەستیان بە خاوێن کردنی ئەو شارە لە زبڵ و ئەشغاڵ کرد.
ئەو هاووڵاتییانە بێ‌ئەوەی لەلایەن هیچ ناوەندێکی حکوومیەوە وەک شارەوانی پشتیوانی و یارمەتیان بکرێت، ئەو هەوڵەیان بەڕێوە برد.
لەو چالاکییەدا ژمارەیەک لە ئەندامانی ناوەندی فەرهەنگی ــ ئەدەبیی شاری مەهابادیش بەشدار بوون.
هەر لەو پێوەندییەدا هاووڵاتییانی شاری مەریوانیش وێڕای خاوێن کردنەوەی دەوروبەری گولی زرێبار، ژمارەیەکە بەرچاویش نەمامیان چاندبوو.