کوردستان میدیا: لە درێژەی ئیعدامە نهێنییەکانی گرتووخانەی وەکیل ئابادی مەشهەد، هەر هەفتە لانیکەم ٢٠ کەس ئیعدام کراون.
رێکخراوی مافی مرۆڤی ئێران رایگەیاند، ئیعدامە نهێنییەکان لە رەزبەری ساڵی ١٣٩١ـەوە دەستی پێ کردۆتەوە و هەتا ئێستا درێژەی هەیە.
لە راپۆرتی رێکخراوی مافی مرۆڤی ئێراندا هاتووە، رێژیمی ئێران ماوەیەک بوو بەهۆی زەخت و گوشارە نێودەوڵەتییەکان رێژەی ئیعدامەکانی کەم کردبووەوە، بەڵام ئێستاکە هەمدیسان دەستی پێ کردۆتەوە.
بەپێی ئەو راپۆرتە تەنیا لە دوو مانگی زایینیی ئوکتوبر و دێسامبردا ٨٥ کەس لە گرتووخانەی وەکیل ئاباد ئیعدام کراون.
هەر لەو پێوەندییەدا لەسەرەتای مانگی رێبەندانی ئەمساڵەوە هەتا رێکەوتی ٦ی رەشەمە ٦٤ زیندانی بە تۆمەتی جۆراوجۆر لە زیندانەکانی ئێران و لەبەر چاوی گشتیی خەڵکدا ئیعدام کراون.
لە نێو ئەم ٦٤ هاووڵاتییە ئیعدام کراوەدا هاووڵاتییەکی ئەفغانیش کەلە زیندانەکانی ئێران لە سێدارە دراوە، بەرچاو دەکەوێت.
رێکخراوی مافی مرۆڤی ئێران رایگەیاند، ئیعدامە نهێنییەکان لە رەزبەری ساڵی ١٣٩١ـەوە دەستی پێ کردۆتەوە و هەتا ئێستا درێژەی هەیە.
لە راپۆرتی رێکخراوی مافی مرۆڤی ئێراندا هاتووە، رێژیمی ئێران ماوەیەک بوو بەهۆی زەخت و گوشارە نێودەوڵەتییەکان رێژەی ئیعدامەکانی کەم کردبووەوە، بەڵام ئێستاکە هەمدیسان دەستی پێ کردۆتەوە.
بەپێی ئەو راپۆرتە تەنیا لە دوو مانگی زایینیی ئوکتوبر و دێسامبردا ٨٥ کەس لە گرتووخانەی وەکیل ئاباد ئیعدام کراون.
هەر لەو پێوەندییەدا لەسەرەتای مانگی رێبەندانی ئەمساڵەوە هەتا رێکەوتی ٦ی رەشەمە ٦٤ زیندانی بە تۆمەتی جۆراوجۆر لە زیندانەکانی ئێران و لەبەر چاوی گشتیی خەڵکدا ئیعدام کراون.
لە نێو ئەم ٦٤ هاووڵاتییە ئیعدام کراوەدا هاووڵاتییەکی ئەفغانیش کەلە زیندانەکانی ئێران لە سێدارە دراوە، بەرچاو دەکەوێت.