Di berdewamiya zêdebûna alozîyên leşkerî li Îranê de, artêşa Îsraîlê êrîşên esmanî yên berfireh birin ser binesaziyên peywendî û hêlên hesinî li çend bajaran.

​Li gorî raporan, roja Sêşemê 18ê Xakelêweyê, pira peywendiyê ya li ser otobana Tewrêz-Zencanê hate armancgirtin û ew rê bi temamî ji aliyê polîsên trafîkê ve hate girtin.

​Hevdem, pira Ezîmiye an "B1" li Kerecê ku dikeve rojavayê Tehranê, careke din hate armancgirtin. Ev pir berê ji aliyê Amerîkayê ve hatibû keftibû ber êrîşê û niha cara duyem e ku zirar dît.

​Li gorî raporan, nîvroya Sêşemê beşek ji hêla hesinî ya li Kerecê hatiye armancgirtin.

​Her wiha, rêya kevin a Miyaneyê bo Tewrêzê li derdora saet 13:00an de hate lêdan û hatûçû li wê deverê rawestiya.

​Di êrîşeke din de, hêla hesinî li bajarê Kaşanê zirarên giran dîtin.

​Berpirsên fermî yên rejîmê hîn hûrgiliyên zêdetir derbarê asta zirarên giştî û armancên hûr ên van êrîşan belav nekirine.

​Beriya niha, Îsraîlê di hişyariyeke lezgîn de hişyarî dabû xelkê navçeyên cuda ên Îranê ku heta saet 9ê şeva Sêşemê ji saziyên hêla hesinî dûr bikevin û geştên bi trênê encam nedin.