Di daxuyaniya ku piştî nîvroya sêşemê, 7ê Nîsanê hate weşandin de, peywendiyên giştî yên Sipahê hişyarî da welatên ku wekî "şirîkên Amerîkayê" bi nav kirin. Sipahê gef xwar ku ew ê binesaziya van welatan wusa birûxînin ku "Amerîka û hevpeymanên wê heta bi salan ji neft û gaza herêmê bêpar bimînin."

​Sipaha terorist îdia kir ku heta niha wan sebreke mezin" nîşan daye û di hilbijartina armancan de hinek "têbînî û sînor" li ber çavan girtine. Lê belê, wan diyar kir ku ji niha û pê de "hemû ev sînor û têbînî wê bên rakirin."

​Ev daxuyaniya tund a rêjîma Îranê di demekê de tê ku Serokkomarê Amerîkayê heta sibê, çarşemê 8ê Nîsanê dem dabû Îranê.

Amerîkayê daxwaz kiriye ku: Tengava Hurmuzê ji bo hatinûçûnê bê vekirin.

​Serokkomarê Amerîkayê hişyarî dabû ku eger ev daxwaz neyên cih, artêşa Amerîkayê wê navendên enerjiyê û pirên Îranê bombebaran bike