ڕۆژی یەکشەممە ١٩ی ڕەزبەری ١٤٠٥ی هەتاوی، کاک عەبدولمەجید ڕەحمانی کەسایەتیی خۆشناو و نیشتمانپەروەری خەڵکی ئاوایی مێراو سەر بە ناوچەی ژاوەرۆی سنە، لە تەمەنی ٩١ ساڵیدا، بەهۆی پیری و بەساڵاچووییەوە کۆچی دوایی کرد.
ناوبراو کەسێکی حیزبخۆشەویست، خۆشناو و جێگای متمانەی خەڵکی ناوچەی ژاوەرۆی سنە بوو.
هەروەها کوڕێکی ناوبراو بە ناوی عالم ڕەحمانی ئێستا ئەندامی تەشکیلاتی ئاشکرای حیزبی دێموکراتە.
ناوبراو هەتا کۆتایی ژیانی پشتیوانیی لە پرسی مافخوازانەی گەلەکەی و ڕێبازە پیرۆزەکەی حیزبی دێموکرات کرد.
تەرمی ناوبراو لەنێو ئاپۆڕای خەڵکی ناوچەکەدا و لە زێدی خۆی بە خاکی پیرۆزی کوردستان سپێردرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە پرسە و سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
