ڕاجێر زاکهایم، بەڕێوەبەری دامەزراوەی ڕۆناڵد ڕیگان، لە گفتوگۆیەکدا لەگەڵ کاناڵی "فاکس بیزینێس" ڕایگەیاند کە دۆنالد ترامپ بۆ پێکانی ئامانجەکەی کە کۆتاییهێنانە بە بەرنامەی ئەتۆمیی کۆماری ئیسلامیی ئێران، پێویستی بە گرتنەبەری کردەی سەربازیی زیاتر هەیە و گەیشتن بەم ئامانجەی لە ڕێگەی دیپلۆماسییەوە بە دوور زانی.
زاکهایم بە ڕەخنەگرتن لە پڕۆسەی دانوستاندنەکان بە سەرپەرستیی جەی‌دی ڤانس، جێگری سەرۆککۆماری ئەمریکا، دەستنیشانی کرد کە ئۆپەراسیۆنی سەربازیی "تووڕەیی حەماسی" پاش نزیکەی ۳٨ تا ۳۹ ڕۆژ کۆتایی پێهات، بەڵام هەوڵە دیپلۆماسییەکان پاش واژۆکردنی تێگەیشتنامەی مانگی ژووئەن نزیکەی ۱۴۰ ڕۆژ دەرفەتیان هەبوو و سەرکەوتوو نەبوون.
ناوبراو هەروەها ئاماژەی بەوە کرد کە ئەنجامی ڕاپرسییەکان لە بەردەم سندووقەکانی دەنگدان نیشان دەدات شەڕی ئێران کاریگەریی لەسەر هەڵبژاردنەکانی ناوەندیی کۆنگرەی ئەمریکا هەبووە، بەڵام ئەم بابەتە مەرج نییە بە مانای دژایەتیی دەنگدەران لەگەڵ بنەمای ئۆپەراسیۆنی سەربازی بێت و بەرزبوونەوەی نرخی سووتەمەنیش دەکرێت ڕۆڵی لەم ناڕەزایەتییەدا هەبووبێت.
