کوردستان میدیا

هەینی 22ی سەرماوەز 2719
ماڵپەڕی ناوەندیی حیزبی دێموکراتی کوردستانی ئێران

ئاڵبۆرگ/ خۆپێشاندانێک بۆ پشتیوانی لە ڕاپەڕینی كوردستان بەڕێوە چوو

16:26 - 3 سەرماوەز 2719

کوردستان میدیا: لە شاری ئاڵبۆرگی دانمارک، خۆپیشاندانێكی جەماوەری بۆ پشتیوانی لە خەڵکی ڕاپەڕیوی کوردستان بەڕێوە چوو.

ڕۆژی شەممە، ڕێكەوتی ٢ی سەرماوەز، بە بەشداریی ژمارەیەکی زۆر لە كوردانی وڵاتی دانمارک و حیزب و ڕێكخراوە سیاسییەكانی كوردستان، خۆپیشاندانێک بۆ پشتیوانی لە ڕاپەرینی خەڵكی کوردستانی ڕۆژهەڵات بەڕێوە چوو.

ئەو خۆپیشاندانە بە سروودی نەتەوەیی "ئەی ڕەقیب" و خولەكێک بێدەنگی بۆ ڕێزگرتن لە گیانی پاکی شەھیدانی کورد و كوردستان دەستی پێكرد.

پاشا  خۆپیشاندەران بە دانی دروشم و پێشكەشكردنی پەیامێک، پشتیوانیی خۆیان بۆ سەرھەڵدانی کوردستانی ڕۆژهەڵات دووپات کردەوە.