ڕۆژی یەکشەممە، ١٧ی ڕەزبەر لە شاری "ئادلاید"ی ئوسترالیا و بۆ پشتیوانی لە ڕاپەڕینی خەڵکی ئێران، بە بەشداریی کورد و ئێرانییەکان خۆپێشاندانێک بەڕێوە چوو.
لەم خۆپیشاندانەدا سێناتۆر "سارا ھەنسن" وتارێکی لە پێوەندی لەگەڵ ڕاپەڕینی ئێران و دوا گۆڕانکارییەکان لە ڕەوتی ناڕەزایەتییە جەماوەرییەکاندا پێشکەش کرد.
لە بڕگەیەکی دیکەی کۆبوونەوەکەشدا "لۆیس میلەر" پارلەمانتارێکی حیزبی کرێکار قسەی بۆ بەشداران کرد و پێداگریی لەسەر پشتیوانیی خۆی و حیزبەکەی لە ڕاپەرینی خەڵکی ئێران داگرت.
بەھار ساڵحی، وتاربێژێکی دیکەی ئەو کۆبوونەوەیە بوو کە لەلایەن کۆمەڵەی کوردەکانی ئادلایدەوە وتارێکی پێشکێش کرد.
