لە درێژەی خۆپێشاندانەکانی نارەزایەتی وهەروەها پشتیوانی لە خەڵکی ڕاپەڕیوی ئێران و کوردستان و هەروەها بۆ مەحکوومکردنی هێرشی مووشەکی و دڕۆنی بۆ سەر بنکە و بارەگاکانی حیزبە ڕۆژهەڵاتییەکان ڕۆژی شەممە ڕێکەوتی ١٠ی ڕەزبەر لە شاری کۆلنی ئاڵمان خۆپێشاندانێکی بەر بەرین بەڕێوە چوو .
خۆپێشاندانەکە بە بەشداریی ناوەندی هاوکاریی حیزبەکانی کوردستانی ئێران و ناوەندا هاڤکاری و حیزبی چەپی ئێران و چالاکانی سیاسی و مەدەنی و ئەنجومەنی زیندانیانی سیاسی و کۆڕ و کۆمەڵە کولتوورییەکان بەڕێوە چوو.
لە خۆپێشادانەکەدا خالید حەسەنپور ئەندامی ڕێبەریی حیزب بە زمانی فارسی و سوڵتان گوڵاوی ئەندامی لەمێژینەی حیزب بە زمانی ئاڵمانی لێدوانیان دا.
ناوبراون وێڕای پشتیوانیکردن له مانگرتنەکانی کوردستان و ئێران بە وردی باسیان لەسەر هێرشە مووشەکییەکەی ئەم دوایانە کۆماری ئیسلامی کرد.
هە وەها ئەحمەد باب بە زمانی کوردی و فارسی لێدوانی دا .
