كۆمیتەی حیزبی دێموکراتی کوردستانی ئێران لە وڵاتی نۆروێژ بەشی پێوەندییەکانی نۆروێژ و نێونەتەوەییەکان، ڕۆژی پێنجشەممە ٢٨ی ڕەزبەری ١٤٠١ی هەتاوی، سەردانی "ئەرلینگ فۆلکەوۆرد" (Erling Folkvord ) نووسەر و دۆستی کورد، خەڵکی نۆروێژ و ڕێکخراوی "سولکورد''یان کرد.
"ئیدریس ئابدە" کارگێڕی بەشی پێوەندییەکانی نۆروێژ و نێونەتەوەییەکانی حیزبی دێموکراتی کوردستانی ئێران لە وڵاتی نۆروێژ و "دلێر خوێندکار" ئەندامی حیزبی دێموکرات لەو دیدارەدا بەشدار بوون کە لەلایەن "ئەرلینگ فۆلکەوۆرد" بەگەرمی پێشوازییان لێ کرا.
ناوبراو، نووسەری کتێبەکانی "کوردستان و ڕۆژاوا بە زمانی "نۆروێژییـ"ـە، کە لەلایەن بەشی پەیوەندییەکانی حیزبی دێموکرات بە مەبەستی سپاس و پێزانینی حیزب بۆ ئەمەگناسیی ناوبراو بەنیسبەت پرسی کورد، چاوپێکەوتنی لەگەڵ کرا.
لەو دیدارەدا لەسەر پتەوکردنی هاوکاریی و دۆستایەتی لە داهاتوودا جەخت کرایەوە.
