ڕۆژی یەکشەمە ڕێکەوتی ١٥ی خەزەڵوەری ١٤٠١ی هەتاوی، بەرامبەر بە ٦ی ئۆکتۆبری ٢٠٢٢، سێهەم خۆپیشاندانی گەورەی کورد و ئێرانییەکانی دانیشتووی وڵاتی "بێلژیک" کە زیاتر لە ٢ هەزار کەس بوون لە کەشێکی سارد و بارانیدا بەڕێوە چوو.
ئەندامان و لایەنگرانی حیزبی دێموکراتی کوردستانی ئێران، وێڕای پارت و لایەنە کورد و ئێرانییەکانی دانیشتوی وڵاتی "بێلژیک" دەور و کاریگەرییەکی بەرچاویان لە باشتر بەڕێوەچوونی ئەو خۆپیشاندانە هەبوو.
ئەو خۆپێشاندانە بە بڕین و پێوانی زیاتر لە پێنج کیلومیتر مەودا، لە وێستگەی قەتاری باکووری بروکسێل پێتەختی وڵاتی "بێلژیک" هەتا وێستگەی قەتاری باشووری ئەو شارە درێژەی هەبوو.
ئەو خۆپیشاندانە بۆ پشتیوانیکردن لە شۆڕشی گەلی کورد و گەڵانی ئێران کە لەژێر ناوی "ژن، ژیان، ئازادی" لە ئێستادا لە ئێران لەئارادایە بەڕێوە چوو.
خاڵێکی جێگای سەرنج لەو خۆپیشاندانەدا ئەوە بوو کە بەشێک لە ڕێکخراوەکانی پارێزەری مافی مرۆڤ و چالاکانی بواری مافەکانی ژنانی "بێلژیک"یش بەشدار بوون.
