کوردستان میدیا

ماڵپەڕی ناوەندیی حیزبی دێموکراتی کوردستانی ئێران

لە شاری "ناشڤیلـ"ـی ئامریکا بۆ جارێکی دیکە بۆ پشتیوانی لە خۆپیشاندەرانی ئێران و کوردستان ڕێپێوان بەڕێوە چوو

12:12 - 19 خەزەڵوەر 2722

ڕۆژی یەكشەممە ڕێکەوتی ١٥ی خەزەڵوەری ١٤٠١ی هەتاوی، بەرانبەر بە ٧ی ئۆکتۆبری ٢٠٢٢ی زایینی بۆ جارێکی دیکە ڕەوەندی ئێرانی لە شاری ناشڤیل سەر بە ویلایەتی "تێنێسیـ"ـی ئامریکا  کۆبوونەوە و  ڕێپێوانێکیان بەڕێوە برد.
 
لەو ڕێپێوانەدا خۆپیشاندەران بە بەرزکردنەوەی وێنەی "ژینا ئەمینی"، خوێندنەوەی سروود و وتنی دروشم دژی ڕێژیمی ئێران پشتیوانیی خۆیان لە مانگرتن و  ناڕەزایەتیی جەماوەری لە كوردستان و ئێران دووپات کردەوە.
 
ئەندامان و لایەنگرانی حیزبی دێموکرات بە بەرزكردنەوەی وێنەی شەهیدان و شەکاندنەوەی ئاڵای کوردستان لەو ڕێپێوانەدا بەشدارییان کرد و بەم چەشنە سۆز و پشتیوانیی خۆیان بۆ خەڵکی کوردستان دووپات کردەوە.