بۆ پشتیوانی لە شۆڕشی گەلانی ئێران و بەتایبەتی ڕۆژهەڵاتی کوردستان، خۆپیشاندانێکی بەربڵاو لە شارەكانی بریتانیا بەڕێوە چوو.
ڕۆژی شەممە ٥ی سەرماوەزی ١٤٠١ی هەتاوی، بە ئامادەبوونی بەشێکی بەرچاو لە ئەندامانی حیزبی دێموکرات و بەشێک لە ئازادیخوازانی بەلووچستان و ئێرانییانی دانیشتووی وڵاتی بریتانیا، خۆپیشاندانێک لە شارەكانی لەندەن، نیووكاسێل و مەنچێستێر بەڕێوە چوو.
لە شاری لەندەن لە مەیدانی تافاڵكاری ئەو شارە خۆپێشاندانێكی بەرین بەڕێوە چوو. لە شاری نیووكاسێل خۆپێشاندانێكی بەرین لە بەردەم بینای "بی بی سی"ی ئەو شارە بەڕێوە چوو و هەروەها لە شاری مەنچێستێریش خۆپیشاندانێک لە سەنتەری شار بەڕێوە چوو.
جێگای ئاماژەیە كە خۆپیشاندانەكانی ئەمجارەش بە بێ جیاوازیی ئاڵا و تەنیا بۆ پشتیوانی لە ئێران و بەتایبەت ڕۆژهەڵاتی كوردستان بوو.
