مەهسا قوربانی، خەڵکی شاری سنە و دانیشتووی تاران، لەلایەن هێزەکانی ڕێژیمەوە دەسبەسەر کراوە و چارەنووسی ناڕوونە.
لە درێژەی دەسبەسەرکرانی خەڵکی ڕاپەڕیوی گەلانی ئێران دژی ڕێژیمی ئێران، ڕۆژی سێشەممە، ٦ی بەفرانباری ١٤٠١ی هەتاوی، مەهسا قوربانی تەمەن ١٩ ساڵ و خەڵکی شاری سنە و دانیشتووی تاران، بەبێ بوونی هیچ بەڵگەیەکی یاسایی لەلایەن هێزەکانی ئیتلاعاتی ڕێژیمەوە لە شاری تاران دەسبەسەر کراوە.
سەرەڕای بەدواداچوونی بنەماڵەی مەهسا و سەردانی ئەو بنەماڵەیە بۆ ئیدارەی ئیتلاعاتی ڕێژیم لە شاری تاران، هەتا ئێستا هیچ زانیارییەک لە شوێنی ڕاگیران و چارەنووسی ناوبراو لەبەر دەستدا نییە.
