هێمن مەجیدپوور، خەڵی شاری سەقز، لەلایەن هێزە سەرکوتکەرەکانی کۆماری ئیسلامیی ئێرانەوە دەسبەسەر کرا و بۆ شوێنێکی نادیار ڕاگوێزرا.
بەپێی ڕاپۆرتی، ناوەندی مافی مرۆڤی کوردستان "چاو نیوز"، شەوی ڕابردوو ١٨ی بەفرانباری ١٤٠١ی هەتاوی، هێزە سەرکوتکەرەکانی کۆماری ئیسلامیی ئێران، لە شاری سەقز هەڵیانکووتاوەتە سەر ماڵی هێمن مەجیدپوور و بە توندوتیژییەوە دەسبەسەریان کردووە و بۆ شوێنێکی نادیار ڕایانگواستووە.
هێزە سەرکوتکەرەکانی کۆماری ئیسلامی بەبێ هیچ بەڵگەیەکی یاسایی ناوبراویان لەگەڵ خۆیان بردووە و تا ئێستا لەسەر چارەنووسی هیچ زانیارییەک بە بنەماڵەکەی نەدراوە.
