ڕۆژی ڕابردوو دوو هاووڵاتیی کورد بە ناوەکانی"وریا قەمەری و فەرهاد مەلەکی" خەڵکی شاری سنە لەلایەن هێزەکانی ڕێژیمەوە دەسبەسەر کران و بۆ شوێنێکی نادیار گوازراونەوە.
بەپێی ڕاپۆرتی ناوەندی مافی مرۆڤ بۆ ڕۆژهەڵات "چاونیوز"، ڕۆژی یەکشەممە ١٨ی بەفرانباری ١٤٠١ی هەتاوی، هاووڵاتییەکی خەڵکی شاری سنە بە ناوی وریا قەمەری، لەلایەن هێزەکانی ڕێژیمەوە دەسبەسەر کرا و بۆ شوێنیکی نادیار ڕاگوێزراوە.
هاوکات هاووڵاتییەکی دیکە بە ناوی فەرهاد مەلەکی، خەڵکی گوندی تەنگیسەری سەر بە شاری سنە و دانیشتووی شاری مەریوان لەلایەن هێزەکانی ڕێژیمەوە دەسبەسەر کرا و بۆ شوێنێکی نادیار راگوێزرا.
تا کاتی بڵاوبوونەوەی ئەم هەواڵە هیچ زانیارییەک لەسەر ئەو تۆمەتانەی کە خراونەتە پاڵ ناوبراوان و هەروەها شوێنی ڕاگیرانیان لەبەر دەستدا نییە.
