لە درێژەی دەسبەسەرکرانی هاووڵاتییانی کوردستان لەلایەن هێزەکانی ڕێژیمەوە، ڕۆژی ڕابردوو ٨ هاووڵاتیی خەڵکی بۆکان لەلایەن هێزە چەکدارەکانی ڕێژیمەوە دەسبەسەر کران.
بەپێی ئەو هەواڵ و زانیارییانەی کە بە "کوردستان میدیا" گەییشتووە، ڕۆژی یەکشەممە ٢٥ی بەفرانباری ١٤٠١ی هەتاوی لانیکەم ٨ کەس لە بۆکان لەلایەن هێزە ئیتلاعاتییەکانی ڕێژیمەوە دەسبەسەر کراون و چەند کەسیان وەک "مەسعوود دارسەنج" بۆ ئیتلاعاتی میاندواو ڕاگوێزراوە.
پاش هێرشی هێزە سەرکوتکەرەکانی ڕێژیم بۆ سەر بنەماڵەی ئەو ٨ کەسە، کەرەستە تایبەتییەکانیان وەکوو مۆبایل و لەب‌تابەکانیان لەلایەن هێزەکانی ڕێژیمەوە دەستی بەسەردا گیراوە.
هەتا کاتی ئامادەکردنی ئەم هەواڵە لەسەر ئەو تۆمەتانەی کە خراونەتە پاڵ ئەو ٨ کەسە وهەروەها شوێنی ڕاگیرانیان، هیچ جۆرە زانیارییەک لەبەر دەستدا نییە.
