لە ماوەی چەند ڕۆژی ڕابردوودا سێ هاووڵاتیی خەڵکی بۆکان بە ناوەکانی "کازم مام ئیسماعیلی، حوسێن ئەحمەدی و یونس مەحموودزادە" لە دەسبەسەرکراوانی شۆڕشی ژینا لەلایەن دادگای تاوانەکانی ئەو شارە سزای بەندکرانیان بە سەردا سەپێندرا.
بەپێی ئەو حوکمە دادگای تاوانەکانی ڕێژیم لە شاری بۆکان بە تۆمەتی هەوڵدان بۆ تێکدانی ئاسایشی گشتی لە ڕێگای ئەندامەتی لە حیزبێکی کوردی دژبەری کۆماری ئیسلامی، حوسێن ئەحمەدی" بە ٣ ساڵ بەندکرانی تەعزیری، کازم مام ئیسماعیل بە ١ ساڵ بەندکرانی تەعزیری و یونس مەحموودزادە بە ٣ ساڵ و ٨ مانگ بەندکرانی تەعزیری مەحکووم کردووە.
ئەو دادگایە پێشتریش فریشتە حوسێنی، لە بابەت هەمان دۆسییە و بەو تۆمەتانەوە بە ٨ مانگ بەندکرانی تەعزیری مەحکووم کردبوو.
