کوردستان میدیا

ماڵپەڕی ناوەندیی حیزبی دێموکراتی کوردستانی ئێران

مستەفا هیجری لە پەیامێکدا هاوخەمیی خۆی لەگەڵ بنەماڵەی قوربانییانی بومەلەرزەکەی باکوور و ڕۆژاوای کوردستان دەربڕی

13:38 - 17 رێبەندان 2722

مستەفا هیجری، بەرپرسی ناوەندی بەڕێوەبەریی گشتیی حیزبی دێموکراتی کوردستانی ئێران، سەبارەت بە کارەساتی بومەلەرزە لە باکوور و ڕۆژاوای کوردستان و چەند شاری تورکیە و سووریە کە سەدان قوربانیی لێ کەوتەوە و وێرانییەکی زۆری بەدوای خۆیدا هێنا، پەیامێکی بڵاو کردەوە. 

مستەفا هیجری لە تویتێری خۆیدا نووسیوەیەتی: ''لەلایەن حیزبی دێموکراتی کوردستانی ئێرانەوە هاوخەمیی خۆم لەگەڵ بنەماڵە و کەسوکاری قوربانییان و هەموو دانیشتووانی ئەو ناوچەیە ڕادەگەیەنم و هیوادارم بەزوویی بریندارەکان ساغی و سڵامەتی وەدەست بێننەوە."

بەرەبەیانی ئەمڕۆ دووشەممە ١٧ی ڕێبەندان، بومەلەرزیەک بە گەورەیی ٧.٨ ڕیشتەر باکوور و ڕۆژاوای سووریە و چەندین شاری تورکیەی هەژاند کە بەو هۆیەوە سەدان کەس گیانیان لەدەست داوە و بە هەزاران کەسیش بریندار بوونە و وێرانییەکی زۆری لێ کەوتووەتەوە.