کوردستانییان و ئێرانییەکانی دانیشتووی وڵاتی نیوزلەند، بە مەبەستی ئیدانەکردنی هێرشی کیمیایی ڕێژیم بۆ سەر قوتابخانەکانی ئێران و کوردستان، دژی کۆماری ئیسلامی کۆبوونەوەی ناڕەزایەتییان بەڕێوە برد.
ڕۆژی یەکشەممە ٢١ی ڕەشەمەی ١٤٠١ی هەتاوی، کوردستانییان و ئێرانییەکانی دانیشتووی وڵاتی نیوزلەند لە شاری ئۆکلەندی ئەو وڵاتە و بە بەشداریی کۆمیتەی حیزبی دێموکراتی کوردستانی ئێران، دژی کۆماری ئیسلامی کۆبوونەوەی ناڕەزایەتییان بەڕێوە برد و هێرشی کیمیایی بۆ سەر کچانی قوتابی لە ئێران و کوردستانیان مەحکووم کرد.
لەو کۆبوونەوەیەدا "سلێمان شوکری" پەیامی کۆمیتەی حیزبی دێموکراتی کوردستانی ئێران لە وڵاتی نیوزلەندی سەبارەت بە مەحکوومکردن و شەرمەزارکردنی هێرشی کیمیایی بۆ سەر قوتابخانەکانی ئێران و کوردستان، خوێندەوە.
دواتر بەشداربووان بە دروشمی مەرگ و نەمان و هەروەها بە بەستنی دەمامکی دژەژەهر بۆ پشتیوانی لە کچانی ژەهراویی قوتابخانەکان، درێژەیان بە خۆپیشاندانەکەیان دا.
