سێ کۆڵبەری تەمەن ١٧ ساڵ بە ناوەکانی پارسا، سرووش ئیبراهیمی و نیما ڕەحیمی، خەڵکی نەوسوود، بە تەقەی ڕاستەوخۆی هێزە چەکدارەکانی ڕێژیم بریندار بوون.
بەپێی ڕاپۆرتی ناوەندی مافی مرۆڤ بۆ ڕۆژهەڵاتی کوردستان "چاونیوز"، شەوی شەممە ٣١ی پووشپەڕی ١٤٠٢ی هەتاوی، ٣ کۆڵبەری تەمەن ١٧ساڵ بە ناوەکانی پارسا (پاشناو نادیار) خەڵکی ئاوایی شێخان، نیما ڕەحیمی خەڵکی ئاوایی تشار و سرووش ئیبراهیمی خەڵکی نەوسوود سەر بە شاری پاوە، بە تەقەی ڕاستەوخۆی هێزەكانی هەنگی مەرزیی ڕێژیم لە سنووری نەوسوود بە سەختی بریندار كران.
ئەو ٣ کۆڵبەرە بۆ چارەسەریی پزیشکی ڕەوانەی نەخۆشخانەی پاوە کران و باس لەوە دەكرێت کە دۆخی تەندروستیی دوو کەسیان ناجێگیرە.
