ئەرەشک قەیسەربەیگی، تەمەن ١٥ ساڵ، لەلایەن ئیتلاعاتی ڕێژیم لە سەراوڵەی سەر بە پارێزگای ئیلام، دەسبەسەر کرا.
بەپێی ڕاپۆرتی ئەنجومەنی زیندانییە سیاسییەکانی ڕۆژهەڵاتی کوردستان "خۆڕاگری"، ئەرەشک قەیسەربەیگی، تەمەن ١٥ ساڵ و خەڵکی ئیلام و دانیشتووی شاری سەراوڵە، لەلایەن هێزە سەرکوتکەرەکانی ئیدارەی ئیتلاعاتی ڕێژیمەوە لەو شارە دەسبەسەر کرا.
ناوبراو لە دوای دەسبەسەرکرانی بۆ گرتنگەی ئیدارەی ئیتلاعاتی ڕێژیم لە سەراوڵە گواستراوەتەوە و هەتا ئێستا لەوێ ڕاگیراوە.
ئەم مێرمنداڵە پێشتر لە ڕەوتی ناڕەزایەتییە جەماوەرییەکاندا لە شاری سەراوڵە لەلایەن هێزەکانی حکوومەتەوە دەسبەسەر کرابوو و پاشان بە دانانی بارمتە ئازاد کرابوو.
