دوو خوێندکاری زانکۆی فەنیی کچانەی سنە لەلایەن هێزە ئەمنییەتییەکانی ڕێژیمەوە دەسبەسەر کران.
بەپێی ڕاپۆرتی سەرچاوەکانی مافی مرۆڤ، ڕۆژی یەکشەممە ٢٢ی گەلاوێژ، زیلان و زریان مەڵایی، خوێندکاری تەلارسازیی زانکۆی فەنیی کچانەی سنە، کە خوشکی یەکیشن، لەلایەن هێزە ئەمنیەتییەکانی ڕێژیمەوە دەسبەسەر کران و بۆ شوێنێکی نادیار ڕاگوێزران.
هێزە ئەمنییەتییەکانی ڕێژیم هەڵیانکوتاوەتە سەر ماڵی ئەم دوو خوشکە لە شەقامی "فەراح"ی سنە و بەبێ بەڵگەی یاسایی دەسبەسەریان کردوون.
زریان مەڵایی خویندکاری کاردانیی تەلاسازی و زیلان مەڵایی خوێندکاری کارناسیی تەلارسازییە.
هەروەها هەتا ئێستا لەسەر چارەنووس و ئەو تۆمەتانەی کە دراونەتە پاڵ ئەم دوو خوشکە، هیچ زانیارییەک لەبەر دەستدا نییە.
