ڕۆژی پێنجشەممە ٢٧ی ڕەزبەری ١٤٠٢ی هەتاوی (١٩ی ئۆکتۆبری ٢٠٢٣ی زایینی، خەڵاتی مافی مرۆیی ساخارۆف پێشکەش بە ژینا ئەمینی و بزووتنەوەی ژن، ژیان، ئازادی کرا. ئەم بڕیارەی یەکیەتیی ئورووپا وێڕای ئەوەی جێی ڕێز و پێزانینە، داکۆکیکردن لە بزووتنەوەی مافخوازانەی گەلانی ئێران دژ بە دیکتاتۆریی کۆماری ئیسلامیی ئیرانە و وەک دەسکەوتێکی دیکەی بزووتنەوەی ژن، ژیان، ئازادی دێتە ئەژمار.
حیزبی دێموکراتی کوردستانی ئێران، وێڕای ڕیزلێنان لەم بڕیارە بەجێیەی یەکیەتیی ئورووپا، بە بۆنەی پێشکەشکردنی خەڵاتی ساخارۆف بە شەهید ژینا ئەمینی و بزووتنەوەی ژن، ژیان، ئازادی، پیرۆزبایی لە دایک و باوکی ژینا ئەمینی، گشت قوربانییانی بێتاوانی جووڵانەوەکە، کۆمەڵانی خەڵکی کوردستان و گەلانی ئێران دەکات.
حیزبی دێموکراتی کوردستانی ئێران
ناوەندی بەڕێوەبەری
٢٨ی ڕەزبەری ١٤٠٢
