هەیئەتێکی حیزبی دێموکراتی کوردستانی ئێران بەشداریی لە نۆهەمین سێمیناری ساڵانەی "همبستگی جمهوریخواهان ایران" لە وڵاتی ئاڵمان کرد.
ڕۆژی شەممە ٢٠ی خەزەڵوەر، هەیئەتێکی حیزبی دێموکراتی کوردستانی ئێران پێکهاتوو لە "ئەیووب مورادی" و "حیسام ئەحمەدی" بە بانگهێشتی فەرمی، بەشدارییان لە نۆهەمین سێمیناری ساڵانەی همبستگی جمهوریخواهان ایران لە وڵاتی ئاڵماندا کرد.
ئەو سمینارە بۆ ئاوڕدانەوە لە سێ تەوەری " بزووتنەوەی ژنان، ژیان و پرسی مرۆڤایەتی و ڕێنێسانسی نیشتمانی و تاوتوێکردنی پرسی نەتەوایەتی لە ئێراندا " لە سێ پانێلی جیاوازدا بەڕێوە چوو.
لەو سمینارەدا کۆمەڵێک کەسایەتیی سیاسی و نوێنەرانی نەتەوەکانی تری پێکهێنەری ئێران بەشدار بوون و لە لێدوانەکانیاندا پێداگریان لە سەر ئەوە کرد کە دەسەڵاتی داهاتوو دەسەڵاتێکی ناوەندگەرا نابێت و بەبێ ڕێزگرتن لە مافی نەتەوەکانی تری غەیری فارس و قەبووڵکردنی دادپەروەری، دەرفەت بۆ جێگربوونی دێموکراسی ئەستەم دەبێت.
