ڕۆژی پێنجشەممە ١١ی خەزەڵوەر، ٥ کۆڵبەر بە تەقەی هێزە چەکدارەکانی ڕێژیم لە سنووری "بەستام"ی سەقز، بریندار کران.
"کوردپا"، شوناسی دوو کەس لەم کۆڵبەرانەی "سیامەک سوهرابی و کەیوان کەریمیان"، ڕاگەیاندووە. هەروەها هێزە چەکدارەکانی ڕێژیم سەرەتا ئەم ٥ کۆڵبەرەیان دەسبەسەر کردوون و دواتر کەلوپەلەکەشیان بردوون.
هێزە نیزامییەکانی حکوومەت پاش دەسبەسەرکردن و دەستداگرتن بەسەر کەلوپەلی ئەم کۆڵبەرانەدا، لە مەودای نزیکەوە تەقەیان لەم کۆڵبەرانە کردووە.
ئەم ٥ کۆڵبەرە پاش برینداربوون، بۆ وەرگرتنی چارەسەری پزیشکی، ڕەوانەی ناوەندە دەرمانییەکان کراون.
