ڕۆژی چوارشەممە ٢٢ی سەرماوەز (١٣ی دێسامبری ٢٠٢٣) هەیئەتێکی پێوەندییە نێونەتەوەییەکانی حیزبی دێموکراتی کوردستانی ئێران پێکهاتبوو لە حەمید تەیمووری، لەیلا محەممەدی و عەزیز سەیدنژادیان، سەردانی پارلەمانی وڵاتی سویدیان کرد و لەگەڵ هۆکان سڤەنەلینگ، نوێنەری پێوەندییە نێونەتەوەییەکانی حیزبی چەپی سوئێد کۆ بوونەوە.
لەم دیدارەدا ئاماژە بەم خاڵانە کرا:
ـ هەڕەشەکانی ڕێژیم لە حیزبی دێموکرات و ڕێککەوتنی نێوان ڕێژیم و حکوومەتی عێراق و هەروەها داواکاری لە حیزبی چەپی سوید بۆ چالاکی زیاتر لەمەڕ پرسی کورد
ـ شۆڕشی ژینا و گرتن و لەسێدارەدرانی ژنان و لاوانی کورد و قەدەغەکرانی چوونەدەرەوەی بنەماڵەی ژینا ئەمینی بۆ وەرگرتنی خەڵاتی ساخارۆف
ـ پشتیوانیی نیزامی و ماڵیی ڕێژیم لە گرووپە تێرۆریستییەکان لە سووریە، عێراق، لوبنان و یەمەن
ـ هێرشەکانی میلیشیاکانی ڕێژیم بۆ سەر بنکەکانی ئەمریکا لە عێراق و بێدەنگیی جیهان لەمبارەوە
ـ ناردنی سیخوڕ بۆ وڵاتانی ئورووپایی و ئەمریکا و سوید لەلایەن ڕێژیمەوە
ـ ئاژاوەنانەوە لە وڵاتی سوید بۆ نموونە سووتاندنی قورئان و ساتوسەودا بۆ گەڕاندنەوەی تاوانباران وەکوو نموونە حەمید نووری
ـ دەستێوەردان و ئاژاوەنانەوەی ڕێژیم لە وڵاتانی وەک وێنێزۆئێلا و کۆلۆمبیا
ـ کوشتنی کۆڵبەران
ـ لەنێوبردنی ژینگەی کوردستان و دەسبەسەرکردن و کوژرانی پارێزەرانی ژینگە بەدەستی سپای پاسداران
هەیئەتی حیزب داوای کرد کە ئەم پرسانە لە پارلەمانی سوید بخرێنە بەر باس و دەنگی کورد بگەیێندرێتە یەکیەتیی ئورووپا.
بەڕێز هۆکان لەم دیدارەدا وتی کە وەک حیزبی چەپ هەردەم لە پارلەمانی سوئێد باسی توندوتیژیی ڕێژیمی ئێران دژ بە نەتەوەکانی وەک کورد و بەلووچ و ئەوانی تر دەکرێت و ئەم بابەتە دەخرێتە بەر لێکدانەوە.
