بە پێی هەواڵی گەیشتوو بە ماڵپەڕی کوردستان میدیا، شەوی پێنجشەممە، ٨ی سەرماوەز، هێزەکانی سپای پاسداران و ئیتلاعاتی ڕێژیم لە پشتی مەندانان، تەقەیان لە ئەسپی کاسبکاران کردووە و ٤٠ بۆ ٥٠ سەر ئەسپیان کوشتووە.
بەپێی زانیارییەکان، هێزە چەکدارەکانی ڕێژیم، چوونەتە گوندی میراوێ و دوو مێرمنداڵی تەمەن ١٦ بە ناوەکانی زەکەریا خزرزادە و سەدرەدین خالقییان داونەتە بەر لێدان و بێڕێزییان پێ کردوون.
سەدرەدین خالقی و کەسێکی دیکەش، لەلایەن هیزەکانی ڕێژیمەوە دەسبەسەر کراون.
سەرچاوەیەکی ئاگادار باسی لەوە کردووە کە ئەم کارەی ڕێژیم بە یارمەتیی سیخوڕێک بە ناوی هـ. ب کراوە.
