لە درێژەی شەپۆلی نوێی جێبەجێکرانی سزای لەسێدارەدان لە شارەکانی کوردستاندا، سەرلەبەیانیی ڕۆژی دووشەممە، ١١ی بەفرانبار، حوکمی لەسێدارەدرانی پێنج بەندکراو لە گرووتخانەی ناوەندیی کەرەج جێبەجێ کراوە.
شوناسی ئەم ٥ کەسە بەم شێوەیە ڕاگەیەندراوە: مەسعوود ڕۆستەمی، مەنووچێهر(حوجەتوڵڵا) عوقابی، داریووش شوکرزادە، ناوخاس مەلەکی (مەلەک زادە) و ئەفشین محەممەدی.
بەپێی هەواڵە بڵاوکراوەکان لە ناوەندە مافی مرۆییەکان، دادگوستەریی پارێزگای ئولبورز، تۆمەتی دزیکردنی چەکدارانی داوەتە پاڵ ئەم ٥ کەسە.
ئەم پێنج کەسە، ڕۆژی شەممە، ٩ی بەفرانبار، بە مەبەستی جێبەجێکرانی سزاکانیان، ڕەوانەی ژووری تاکەکەسیی گرتووخانەی ناوەندیی کەرەج کرابوون.
ئەم پێنج بەندکراوە خەڵکی شارەکانی شاباد، کرێند و بێستوون سەر بە پارێزگای کرماشان بوون.
