ڕۆژی هەینی ٣ی خاکەلێوە(٢٢ی مارسی ٢٠٢٤) کۆنفێدراسیۆنی ڕەوەندی کوردی بە پشتیوانیی حیزب و ڕێکخراوە سیاسییە کوردستانییەکان بۆ کوردانی دانیشتووی شاری ڤییەن و دەوروبەری ڕێوڕەسمێکی نەورۆزیی بەڕێوە برد.
هەزاران کەس لە کوردستانییان و هەروەها ئەندامان و لایەنگرانی حیزبی دیمۆکراتی کوردستانی ئێران لەم ڕێوڕەسمەدا بەشدار بوون.
هونەرمەندی لاو سامان عەباسی، بە خوێندنی چەند سروودی شۆڕشگێری و گۆرانی ڕەسەنی کوردی بەشداریی چالاکانەی لەم ڕێوڕەسمەدا کرد.
محەممەد فەقێ عەلی بەرپرسی بەشی پەیوەندییەکانی حیزبی دێموکرات لە وڵاتی ئوتریش پەیامێکی بە نوێنەرایەتیی هێز و لایەنە سیاسییەکانی کوردستان لە وڵاتی ئوتریش پێشکەشی ئادەبووان کرد.
ڕێوڕەسمەکە بە شایی و هەڵپەڕکێی بەشداربووان کۆتایی پێ هات.
