ڕۆژی شەممە ٢٢ی بانەمەڕ(١١ی مەی ٢٠٢٤)، دانا ئەلیاسی ئەندامی کۆمیتەی پەیوەندییەکانی حیزبی دێموکراتی کوردستانی ئێران لە دانمارک چاوی بە نانا هۆیلۆند، بەربژێری پارتی لیستی یەکگرتوو بۆ پارلەمانی ئورووپا کەوت.
لەو دیدارەدا نوێنەری حیزب باسێکی کورتی لەسەر ئێران و کێشەی کورد و نەتەوەکانی نیشتەجێ لە ئێران پیشکەش کرد و ئاماژەی بەوە کرد کە لە شۆڕشی ژینادا کوردستان مەکۆی شۆڕشەکە بوو و دواتر پەرژایە سەر پرسی هەڵاواردن و پێشێلکرانی مافەکانی مرۆڤ لە ئێرانی ژێر دەسەڵاتی ئاخوندەکاندا.
نوێنەری حیزب داوای لە ناوبراو کرد کە ئەگەر چووە پارلەمانی ئورووپا، گرووپی دۆستەکانی کورد لە پارلەمانی ئورووپا گرینگیی زیاتری پێبدرێ و تیشکی زیاتر بخرێتە سەر مافی گەلانی ئيران.
