ڕۆژی هەینی ٨ی پووشپەڕ، لەلایەن بەشێک لە ئەندامان حیزبی دێموکرات و لایەنە سیاسییەکانی دیکەی دژبەری ڕێژیمی ئێران، دژی شانۆی هەڵبژاردنەکانی سەرۆککۆماری لە ئێران، گردبوونەوەیەکی ناڕەزایەتی لە شاری یۆتۆبۆری لە وڵاتی سوید بەڕێوە چوو.
خۆپیشاندەران بە دروشمی جۆاجۆر دژی کۆماری ئیسلامی و شانۆی هەڵبژاردنەکانی ئەو ڕێژیمە ناڕەزایەتییان دەربڕی.
لەو گردبوونەوەیەدا ئەندامانی حیزبی دێموکرات بە ئاڵای کوردستان و لۆگۆی حیزبی دێموکرات بەشدارییەکی چالاکانەیان هەبوو.
هەر لەو پێوەندییەدا ڕۆژی هەینی هاوکات لەگەڵ بەڕێوەچوونی شانۆی هەڵبژاردنەکانی سەرۆککۆماری لە ئێران، ئێرانییانی نیشتەجێ لە وڵاتانی بریتانیا، ئاڵمان، ئوسترالیا و نیووزلەند لە بەردەم کۆنسولخانە و بنکەکانی دەنگدان دژی کۆماری ئیسلامی و شانۆی هەڵبژاردنەکان خۆپیشاندانیان بەڕێوە برد.
