ڕۆژی شەممە ١٦ی پووشپەڕ،هەیئەتێکی کۆمیتەی حیزبی دێموکراتی کوردستانی ئێران لە وڵاتی بێلژیک کە بە داوای فەرمیی کۆماریخوازانی سێکولار دێموکرات لە سێمێنارێک کە لەلایەن ئەو ڕێکخراوە لە ژێر ناوی "هاوفکری و گۆڕینەوەی بیروڕای زیاتر و هەروەها خۆناساندنی ڕێکخراوەکە'' ڕێکخرابوو، بەشداریی کرد .
ئەو سێمینارە لە چەند بابەت بۆ دوای تێپەربوون لە کۆماری ئیسلامی پێک هاتبوو، کە بریتی بوون لە:
ـ بارودۆخی ئێستای کۆماری ئیسلامی بە گشتی و ئەو گۆڕانانەی لە سیستەمی کۆماری ئیسلامی پێک هاتووە.
ـ ناساندنی چەمکی کۆماریخوازی و باسکردنی شێوەی بیرکرنەوەی کۆماریخوازانی سێکۆلار دێموکرات
ـ باسێک لەسەر دابەشبوون و لێکدووربوونەوەی کۆمەڵگای ئێران بەسەر نەتەوەکان، ئێتنیک و ئایینە جیاوازەکان و جیاوازیی ڕەگەزی و باس لە دیتنەوەی چارەسەرێکی گونجاو بۆ گرێدانی هەموو پێکهاتەکانی کۆمەڵگەی نێو چوارچێوەی ئێران.
و هەروەها دۆزینەوەی هاوبیر و پاڵپشتیی زیاتر لە حیزبەکانی ئێران و کەسایەتییە سیاسییەکانی ئێران بۆ پاڵپشتی لە کۆماریخوازانی سێکولار دێموکرات.
