![](/content/upload/1/news/74076_w920.jpg)
دوابەدوای تەقەی سەرەڕۆیانەی هێزە چەکدارەکانی ڕێژیم لە کاروانی کۆڵبەران، دوو کۆڵبەری کورد لە بەرزاییەکانی سنووری بانە بریندار بوون.
بەپێی ڕاپۆرتی هەنگاو، ڕۆژی یەکشەممە ٢٨ی گەلاوێژ، دوو کۆڵبەری کورد بە ناوەکانی "حەمید ئەحمەدی" تەمەن ٣٨ ساڵ و خەڵکی دیواندەرە و "مەحموود کە پاشناوی ناڕوونە و تەمەنی ٥٠ ساڵە و خەڵكی بانەیە، بە تەقەی ڕاستەوخۆی هێزە چەکدارەکانی ڕێژیم لە سنووری "سەرتەزێن"ی بانە بریندار کران.
هێزە نیزامییەکانی ڕێژیم لە مەودایەکی نزیکەوە و بە چەکی ساچمەیی تەقەیان لە کاروانی کۆڵبەران کردووە کە ئەمە برینداربوونی دوو کۆڵبەری کوردی بە دواوە بووە.
هەنگاو ڕایگەیاندووە کە ئەم دوو کۆڵبەرە بە بێ ئاگادارکردنەوەی پێشوو کراونەتە ئامانج و سەر و چاویان بریندار بووە.