کۆڵبەرێکی لاوی خەڵکی مەریوان بە ناوی ئەسعەد ئەفرەنجە تەمەن ٢٥ ساڵ بە تەقەی ڕاستەوخۆی هێزەکانی کۆماری ئیسلامیی ئێران لە سنوورییەکانی ئەو شارە کوژرا.
بەپێی ڕاپۆرتی هەنگاو، بەرەبەیانیی ڕۆژی پێنجشەممە ١١ی گەلاوێژ، ئەسعەد ئەفرەنجە، خەڵکی گوندی "سیاناو" سەر بە شاری مەریوان بە تەقەی ڕاستەوخۆی هێزە ڕێژیمی ئێران گیانی لەدەست دا.
بەپێی سەرچاوەکان، ئەسعەد ئەفرەنجە کە باوکی منداڵێکی بچووکە لە مەودای ١٠ کیلۆمەتریی سنوور و لە نزیک گوندی ئاسکۆڵ بە گوللـەی ئەو هێزانە پێکراوە.
بە پشتبەستن بە ئامارە تۆمارکراوەکان لە ناوەندی ئاماری ڕێکخراوی مافی مرۆڤی هەنگاو، لە ماوەی مانگی جولادا لانیکەم ٥ کۆڵبەر بە تەقەی ڕاستەوخۆی هێزەکانی ڕێژیم لە سنوورەکانی نەوسوود، مەریوان، بانە و سەردەشت کوژراون.
