ڕۆژی شەممە ٢٤ی خەرمانان، لە دووهەمین ساڵوەگەڕی بزووتنەوەی ژینادا، لایەنە سیاسییەکانی ئۆپۆزیسیۆنی ئێران لە ئامێستێردامی هولەند بە پێکهینانی ئاکسیۆنێکی بەرین بۆ بەرزڕاگرتنی یادی قوربانییانی ئەم بزووتنەوەیە و زیندانییانی سیاسی و هەروەها بە مەبەستی پشتیوانی لە بزووتنەوەی ڕزگاریخوازیی گەلانی ئێران و گەلی کورد کۆ بوونەوە.
لەو ڕێوڕەسمەدا ئەندامانی حیزبی دێموکرات و کوردانی دانیشتووی ئەو وڵاتە وێڕای هاووڵاتییانی دیکەی ئێرانی بەشدارییان کرد.
هەر یەک لە لایەنەکانی بەشداربوو پێکهاتوو لە دوو کۆمەڵەی کوردستانی ئێران و کۆمەڵەی کومۆنیست و لایەنە ئێرانییەکانی بەشداربوو، پەیامی خۆیان بە بۆنەی دووهەمین ساڵوەگەڕی بزووتنەوەی ژینا پێشکەش کرد و دواتر "دکتۆر ئازاد محەممەدیانی" بە نیسبەت ئەم بزووتنەوەیە و دووهەمین ساڵوەگەڕی چەند وتەیەکی پیشکەشی ئامادەبووان کرد.
ئەم کۆبوونەوەیە لە کۆتاییدا بە خوێندنەوەی سروودی کوردی و وتنەوەی لە لایەن سەرجەم ئامادەبوانەوە کۆتایی پێ هات.
