![](/content/upload/1/news/74312_w920.jpg)
ڕۆژی شەممە ١٠ی خەرمانانی ١٤٠٣، لە ناوەندی شاری تورکی جەژنی کولتوری کوردی بە ئامادەبوونی بەشێکی بەرچاو لە کوردانی ئەو شارە و دەوروبەری بەڕێوە چوو.
جەژنەکە سەرەتا بە سروودی خوایە وەتەن ئاواکەی دەستی پێکرد و پاشان خواردنە کوردییەکان، کاری دەستی و جلوبەرگی کوردی لە شوێنی جێژنەکە نیشان دران.
دواتر گرووپی زاگرۆس بە پێشکەشکردنی چەند تابلۆی هونەری سەرنجی بەشداربووانیان بۆ لای خۆیان ڕاکێشا.
لە بەشی دووهەمی جێژنی کولتوری کوردی، هونەرمەندان چەندین گۆرانی و مووزیکی کوردییان پێشکەش کرد.
پاش دوو کاتژمێر جێژنەکە بە گۆرانی و شادی بەشداربووان کۆتایی هات.