ڕۆژی سێشەممە ١٥ی خەزەڵوەر (٥ی نۆڤامبری ٢٠٢٤)، بەڕێز ڕزگار ئالانی نوێنەری حیزبی دێموکراتی کوردستانی ئێران لە وڵاتی بریتانیا، لەگەڵ بەڕێز فابین هەمیلتۆن ئەندامی پارلمانی بریتانیا لەسەر لیستی حیزبی كرێكاران (بەشی پێوەندییە بیانییەكان) لە پارلمانی ئەم وڵاتە، دیدارێکی پێک هێنا.
بەڕێز ئالانی نوێنەری حیزب لە بریتانیا لەم دیدارەدا باسی لە دوایین ڕووداوەكانی ئێران و ڕۆهەڵاتی نێوەڕاست و بەتایبەت ڕۆژهەڵاتی كوردستان و جێگەوپێگەی حیزبی دێموكراتی كوردستانی ئێران کرد.
ناوبراو لەم دیدارەدا باسی لە ئامادەكارییەكانی حیزب لە ئەگەری هەر ڕووداوێک لە ناوچەكەدا كرد.
