بەرپرسی بەشی پەیوەندییە کوردستانی و ئێرانییەکانی کۆمیتەی حیزبی دێموکراتی کوردستانی ئێران بەڕێز کاک فەرەیدون حوسێنی لەسەر داوای کۆمیتەی حیزب لە وڵاتی سویس پڕۆژەیەکی بۆ پێکهێنانی ناوەندێکی هاوکاری پێشکەش بە هەموو حیزب و لایەنە کوردستانیەکان لە وڵاتی سویس کرد.
دوای ڕاوێژ و دانیشتن لەگەل هەموو حیزب و لایەنە کوردستانییەکان بڕیار درا ڕێکەوتی ١ی فێورییە دانیشتنێک پێک بهێنرێت و بڕیار لەسەر دامەزراندنی ناوەندی هاوکاری بۆ هاواهەنگیی زیاتر و هاوفکری هەمەلایەنە لە کاتە هەستیار و گرینگەکان بۆ کاری هاوبەش و ڕێکخستن و پێشبردنی دۆزی ڕەوای کورد لە وڵاتی سویس بدرێت.
هەموو حیزب و لایەنەکان ئەم پڕۆژەیان لا پەسەند بوو و بە دەسپێشخەریەکی گرنگیان بۆ یەکگرتوویی کورد لەم وڵاتە زانی.
پێویست بە ئاماژەیە ئەم حیزبانە کە ئاماژە بە ناوەکانیان دراوە بەشدارن لە پێکهێنانی ناوەندەکە:
حیزبی دێموکراتی کوردستانی ئێران
پارتی دێموکراتی کوردستان
یەكیەتیی نیشتمانی کوردستان
حیزبی شیوعی كوردستان
پارتی سوسیالیست پ س ك
كۆمەڵەی زەحمەتكێشانی كوردستان
سازمانی خەباتی كوردستانی ئێران
