ڕۆژی شەممە ٢٧ی ڕێبەندان (١٥ی ژانوییەی ٢٠٢٥) لە شاری پاریسی وڵاتی فەرانسە کۆمەڵێک لە کوردستانییان و ئازادیخوازانی ئێران خۆپێشاندانێکییان دژ بە سێدارە لە ئێران و کوردستان پێک هێنا.
ئەم خۆپێشاندانە لەلایەن شۆرای دێموکراتیک - پاریس ڕێکخرابوو و نوێنەری حیزبی دێموکرات و ئەندامانی حیزب چالاکانە تێیدا بەشدار بوون.
شایانی باسە کە دواتر پەیامی لایەنە سیاسییەکان خوێندرانەوە و لە هەموو پەیامەکاندا جەخت لەسەر ستەم و سیاسەتی سەرکوتکەرانەی ڕێژیمی کۆماری ئیسلامی ئێران دژ بە ئازادیخوازان لە کوردستان و ئێران کرایەوە.
گردبوونەوەکە لە کەشێکی پڕ لە یەکڕیزی و ئیرادە کۆتایی پێ هات و خۆپیشاندەران دژایەتیی توندی خۆیان دژ بە سیاسەتی دژە گەلیی کۆماری ئیسلامیی ئێران و سێدارە دەربڕی.
