ڕێکەوتی ٢٦ی ڕەشەمە، ڕێوڕەسمێکی تایبەت بە یادی کیمیابارانی شاری هەڵەبجە لە ناوەندی شاری نۆرنبێرگ لە وڵاتی ئاڵمان بەڕێوە چوو.
کۆمیتەی بایەرنی حیزبی دێموکراتی کوردستانی ئێران لەگەڵ نوێنەرایەتی حیزبە کوردستانییەکان و ڕێکخراوە چالاکەکانی ئەم شارە بەشداریی بەڕێوەبردنی ڕێوڕەسمەکە بوو.
ڕێوڕەسمەکە بە پێشکەشکردنی سروودی تایبەت بەو ڕۆژە دەستی پێ کرد و دواتر پەیامێک بە زمانی ئاڵمانی کە پێشتر ئامادە و خوێندرابوویەوە، بڵاو کرایەوە. هەروەها نوسراوێکی تایبەت بەو ڕۆژە چاپ و بڵاو کرایەوە.
شایانی باسە کە هەموو ئەم لایەنانە بڕیاریان دابوو کە لەوحی ڕێزلێنان پێشکەش بە بەڕێوەبەڕی کۆمکار و ئەندامی پارتی سوسیالیستی باکوور psk ''بەڕێز هەوڤاڵ میهمەد ئەلبووستانی'' لە شاری نۆرنێرگ بکەن، هەر بۆ ئەو مەبەستە لەوحێکی ڕێزلێنان ئامادە کرا و لەگەڵ چەپکەگوڵی ڕێز و وەفا پێشکەش بە ناوبراو لە نەخۆشخانەی ناوەندیی شاری نۆرنبێرگ کرا.
