ڕۆژی دووشەممە ١١ی خاکەلێوەی ١٤٠٤، هەیئەتێکی کۆمیتەی حیزب لە ویلایەتە یەکگرتووەکان، لەگەڵ نوێنەری پێوەندییەکانی حیزب لە ئەمریکا بەشدارییان لە ڕێوڕەسمی بەخاکسپاردنی بەڵێن ساڵح، لە ناسراوترین پێشکەشکارانی دەنگی کوردیی ئەمریکا کرد.
بەڵێن ساڵح، کە ژیانی خۆی بە خزمەتکردن بۆ کۆمەڵگەی کوردی و ڕاگەیاندنی میدیای کوردی تەرخان کردبوو، لە تەمەنی ٥٥ ساڵیدا بەهۆی نەخۆشییەکی درێژخایەنەوە کۆچی دوایی کرد.
خاکسپاریی ناوبراو، لە مەنەساسی (MANASSAS) وێرجینیا بە بەشداریی برای ناوبراو دوکتور بەرهەم ساڵح و چەندین کەسایەتیی ناسراوی کوردی لە ڕووی میدیا و سیاسییەوە بەڕێوە چوو.
هەیئەتێکی کۆمیتەی حیزبی لە ویلایەتە یەکگرتووەکان، لەگەڵ نوێنەری پێوەندییەکانی حیزب لە ئەمریکا، بەشدارییان لە بەخاکسپاردنی بەڵێن ساڵح کرد کە بریتی بوون لە کاک جەماڵ مەحموودزادە لەلایەن کۆمیتەی حیزب و بەڕێز ئارش ساڵح، نوێنەری پێوەندییەکانی حیزب لە ئەمریکا، بە نوێنەرایەتیی حیزب تاجی گوڵیان لەسەر گۆڕی ناوبراو دانا و سەرخۆشی خۆیان و حیزبیان بە بنەماڵەی ناوبراو و دوکتور بەرهم ساڵح گەیاند.
