ڕۆژی یەکشەممە، ٢٦ی گەلاوێژی ١٤٠٤(١٧ی ئاگۆستی ٢٠٢٥)، ئەندامان و لایەنگرانی حیزبی دێموکرات لە ڕۆژاوای کانادا، جێژنی ٢٥ی گەلاوێژ و یادی ٨٠ ساڵەی دامەزرانی حیزبی دێموکراتیان پیرۆز کرد.
ڕێورەسمی ٢٥ی گەلاوێژ لە یەکێک لە پارکەکانی ناوەندی شاری ڤانکۆڤێر، بە سروودی نەتەوایەتیی ئەی ڕەقیب و ڕاگرتنی چەندد ساتێک بێدەنگی بۆ ڕێزگرتن لە شەهیدانی کوردستان دەستی پێ کرد.
بەرپرسی کۆمیتەی حیزب لە ڕۆژاوای کانادا، هاوڕێ کەیۆمەرس بەیگی، بەخێرهاتنی ئامادەبووانی کرد و وێڕای پیرۆزبایی هەڵکرانی مۆمی ٨٠ ساڵەی تەمەنی پر لە شانازیی حیزبی دێموکرات، بەڵێنی وەفاداری بە ئامانجەکانی حیزبی دا.
