ڕۆژی یەکشەممە ڕێكەوتی ٢٣ی خەرمانانی ١٤٠٤( ١٤/٠٩/٢٠٢٥) خۆپێشاندانێک لە شاری تورێنتۆ لە وڵاتی کانادا بو یادی سێ ساڵەی شەهیدكردنی "ژینا ئەمینی" و شۆڕشی ژن، ژیان، ئازادی بە بەشداریی لایەنە سیاسییەكانی ڕۆژهەڵاتی كوردستان بەڕێوە چوو.
لە سەرەتادا پەیامێکی هاوبەشی بنەماڵەی قوربانییانی فرۆکەی ئۆکراینی و شەهیدانی شۆڕشی ژن، ژیان، ئازادی لەلایەن حامید ئیسماعلیوون و پاشان پەیامی هێزە سیاسییەكانی ڕۆژهەڵاتی كوردستان بە زمانی فارسی لەلایەن شاهین خەلیلییەوە خوێندرایەوە.
لە درێژەی بەرنامەكەدا بنەماڵەی شەهید شەهریار محەممەدی، میلاد و ئەسرین مەحەممەدی بروسکە و وتارێکیان پێشکەش کرد.
هێزه سیاسییەكانی بەشدار لەو خۆپێشاندانەدا بریتی بوون لە؛
حیزبی دێموكراتی كوردستانی ئێران
كۆمەڵەی شۆڕشگێڕی زحمەتكێشانی كوردستانی ئێران
كۆمەڵە، ڕێکخراوی کوردستانیی حیزبی كۆمۆنیستی ئێران
