ڕۆژی چوارشەممە ٥ی سەرماوەزی ١٤٠٤ (٢٦/١/ ٢٠٢٥)، ئاکام ئەسەدی ئەندامی حیزبی دێموکراتی کوردستانی ئێران و دانیشتووی وڵاتی دانمارک پرۆژەی هۆشی دەستکرد بۆ کاروباری پزشکیی لە بواری چارەسەری بۆ نەخۆشی شێرپەنجەی ژنان لە زانکۆی ئاڵبۆرگ وەکوو تێزی دوکتورا پێشکەش کرد.
شایانی باسە کە پرۆژەکەی ناوبراو بە پلەیەکی باش وەرگیرا و هاوکات وکوو لێکۆڵەر لەو بوارەدا لە یەکێک لە نەخۆشخانەکانی ئەو وڵاتەدا ئەرکی پێ سپێردرا .
ئاکام ئەسەدی لە بنەماڵەیەکی سیاسی لە شاری مەهاباد لەدایک بووە و بڕوانامەی ئەندازیاری پیشەسازی لە شاری قەزوین بەدەست هێناوە و دوای ماوەیەک کارکردن لە بواری پیشەسازیدا بە هۆکاری سیاسی پەڕیوەی هەندەران بووە و پاشان لە وڵاتی دانمارک گیرساوەتەوە.
ناوبراو لە وڵاتی دانمارک وێڕای ڕاپەڕاندی ئەرکی حیزبی و بنەماڵەیی خۆی بەردەوام حەولی خۆ پێگەیاندنی داوە و بە خۆشییەوە توانیویەتی دوو بڕوانامەی ئەندازیاری کیمی و دوکتورای بواری هۆشی دەستکرد بۆ چارەسەری نەشتەرگەری شێرپەنجەی ژنان بەدەست بێنێ.
