ڕۆژی هەینی ١٤ی سەرماوەزی ٢٧٢٥ی کوردی بەرانبەر بە ٥ی دێسامبری ٢٠٢٥ی زایینی هەیئەتێکی ئەندامانی حیزبی دێموکراتی کوردستانی ئێران لە کۆمیتە ناوچەی بێرلین، بەبۆنەی دووهەمین ساڵڕۆژی کۆچی دوایی Wolfgang Wieland یەک لە پارێزەرانی پەروەندەی تێرۆری میکۆنۆس سەردانی گۆڕستانی Luisenstadt یان لە شاری بێرلین کرد.

لەو بۆنەیەدا کە بە ئامادەبوونی ئەندامانی بنەماڵەی و دۆستان و هاوکارانی کۆچکردوو بەڕێوە چوو، ئەندامانی حیزبی دێموکرات وەک وەفایەک بۆ ناوبراو تاجەگوڵینەیان لەسەر مەزاری دانا و بە بنەماڵەیەکیان ڕاگەیاند کە گەلی کورد و حیزبی دێموکرات هیچکات ئەو هەنگاوە بوێرانەی دەزگای دادوەریی ئاڵمان و پارێزەر Wieland و هاوکارانی لەبیر ناکات کە ڕووی ڕاستەقینەی کۆماری ئیسلامییان بە جیهان نیشان دا و دەرکەوت کە کۆماری ئیسلامی بۆ لەناوبردنی دژبەرانی خۆی هیچ یاسایەکی نێودەوڵەتی و هیچ عۆرفێکی دیپلۆماسی ڕەچاو ناکات.