ڕۆژی شەممە ٢٠ی بەفرانباری ١٤٠٤ (١٠/١/٢٠٢٦) بەمەبەستی پاڵپشتیکردنی شۆڕش و خەباتی گەلانی وەزاڵەهاتووی ئێران دژ بە هەژاری، بێکاری، گرانی، داڕمانی ئابووری، هەڵاوسانی بێسنوور و سەرلەبەری پێکهاتەی ڕێژیمی ئیسلامیی ئێران، هەروەها سەرکۆنەکردنی تاوانەکانی ڕێژیم لە کوشتن و بریندارکردنی خۆپیشاندەران، خۆپیشاندانێک لە شاری کۆڵنی ئاڵمان بە هاوکاریی پێنج حیزبی ڕۆژهەڵاتی بریتی لە حیزبی دێموکراتی کوردستانی ئێران، ڕێکخراوی کوردستانی حیزبی کۆمۆنیستی ئێران، کۆمەڵه، حیزبی کۆمۆنیست کارگەری ئێران و کۆمەڵەی زەحمەتکێشانی کوردستان ناوەندی شاری کۆن بەڕێوە چوو.
پەیامی حیزبی دێموکراتی کوردستانی ئێران لەلایەن خاتوو بەهار حوسێنی خوێندرایەوە و پاشان بەمەبەستی مەحکوومکردنی جینایاتی ڕێژیمی ئیسلامی و هەروەها جینایات و ژینۆسایدی ڕێژیمی ئەحمەد شەرع بەرامبەر خەڵکی ڕۆژاوای کوردستان لە گەڕەکە کوردییەکانی حەلەب و یەک لەوان شیخ مەقسوود به سەدان وتار لە جینایات و کارەساتەکان و کارنامەی ڕەشی ٤٧ ساڵەی ڕێژیمی ئیسلامی ئاخوندیی ئێران بەرامبەر بە گەلانی ئێران بەتایبەت کوردستان کە بە زمانی ئاڵمانی چاپ کرابوو،لە ناو خەڵکی ئاڵمانیدا بڵاو کرانەوە.
لە کۆتاییدا حیزب و ڕێکخراوە سیاسییەکانی بەشدار پەیام و پاڵپشتیی خۆیان لە خەڵكی ڕاپەڕیو ڕاگەیاند.
