ڕۆژی پێنجشەممە ٢٥ی بەفرانباری ١٤٠٤(١٥/١/٢٠٢٦)، بەشێکی بەرچاو له ئێرانی و کوردستانییانی نیشتەجێ لە وڵاتی فینلاند بە مەبەستی پشتیوانیکردن لە سەرهەڵدانی خەڵکی وەزاڵەهاتووی ئێران و کوردستان خۆپێشاندانێکی هێمنانەیان بەڕێوە برد.
ئەم خۆپیشاندانە بە ڕاگرتنی خولەکێک بێدەنگی بۆ ڕێزگرتن لە گیانی شەهیدان و قوربانییانی ئێران و کوردستان دەستی پێ کرد.
دواتر لەلایەن بەڕێوەبەری بەرنامە ئازاد شێخییەوە وتەێکی کورت پێشکەش کرا و سپاسی ئامادەبوون و بەشداربووان کرا.
دواتر بە ناوی هێز و لایەنە سیاسییەکانی کوردستانەوە، پەیامی هاوبەشی خۆپیشاندانەکە بە هەر سێ زمانی کوردی و فینلاندی لەلایەن بەڕێزان کەریم ڕەسووڵی، شەهێن زادئەحمەد و
شیلان ناسرییەوە خوێندرایەوە.
لە نێوئاخنی بەرنامەکاندا ئامادەبووان بە دروشم و سروودی بەرەنگاری، پشتیوانیی خۆیان بۆ خەڵکی ئێران و کوردستان دووپات کردەوە.
