پێشکەشکارێکی کوردی دانیشتووی ئاڵمان، دوای وەرگرتنی بەرنامەیەکی تایبەت بە ڕووداوەکانی کوردستان لە تلویزیۆنی  NRWisionی ئاڵمان، تیتراژی دەستپێکی بەرنامەکەی کردە سروودی نەتەوەیی ئەی ڕەقیب.

ئەسکەندەر جەعفەری ئەو پێشکەشکارەی خەڵکی ڕۆژهەڵاتی کوردستان و ئەندامی حیزبی دێموکراتی کوردستانی ئێرانە و ناوی بەرنامەکەی ناوە Verbotenes Wort واتە وشەی قەدەغە.

ناوبراو دەڵێت لەو بەرنامەیەدا هەوڵ دەدات هەر جار، ڕووداوەکانی کوردستان و ئەو نەهامەتی و تاوانانە بێنێتە بەر باس کە داگیرکەرانی کوردستان دژ بە نەتەوەی کورد دەیکەن.